დღეს მიბრძანეს, რომ უნდა ვწერო გათენებამდე,
სევდა ვაქსოვო სინანულით გადაღლილ სტროფებს,
უნდა ვიარო უსასრულო გაჩერებამდე .
არ მოვერიდო ბოროტების მძლავრ კატასტროფებს .

დღეს მაიძულეს, რომ ვემორჩილო ცხოვრების მორევს,
და ამქვეყნიურ სიამეებს განვუვრცო გზები,
რომ მე ვემსგავსო უგრძნობლობით გადაღლილ მძორებს,
ოცნებებს უფრო მტკივნეულად შევაჭრა ფრთები.

არ ვემონები უკანონო არცერთ ბრძანებას,
მზად ვარ, საკუთარ სიძლიერით ავკაფო მტერი,
და ბოროტებას ავუკრძალავ შემობრძანებას,

რადგან არ მერქვას ქვეყანაზე მსუბუქი მტვერი.