|
|
როგორ დავწერო თუკი არ მოდის წყეული მუზა
დამეხმარეთ რომ ჩავუშვა ფსკერზე ცოდვების ღუზა
ამ პოეტობამ სულ გამიფუჭა ეს ხასიათი
წუთისოფელიც არაფერია წამია ათი
ვფიქრობ და მაინც ვერ ვხვდები რატომ უნდა განვაგრძო
ანდა რად მინდა გულის ტკივილი ხალხში განვავრცო
მე ხომ გამგები ვერ ვიპოვე ამ ქვეყნად ვერა
უნდა შევწყვიტო ალბად ცოტახნით ლექსების წერა
ხოდა ავდგები და მათსავით თქვენგან შორს წავალ
ამ რითმებს როცა ვადა გაუვა მეც ხალხში გავალ
მზის დაბნელებას ვუყურებ მთვარის ფორმაში ჩაცმულს
ბოდიშს მოვუხდი ცოდვებისთვის იესოს ჯვარცმულს
ნაპირს დავტოვებ მშვიდი ცურვით გავალ დინებას
ის გაიხსენებს ფიქრებს თქვენ კი მოწადინებას
როდესაც ქარი შემოდგომის ფოთლებს ფანტავდა
ეს ჩემი რითმიც დრამატულად იქვე დამთავრდა
მე პერსპექტივა არ გამაჩნია ისევ ნოლია
ხალხის ღიმილი აღარ მოჩანს ყველგან ომია
დეპრესიის ზღვამაც ჩამძირა თავით ბოლომდე
მაგრამ არ მინდა ამ ერთ გრძნობას მუდამ ვგლოვობდე
|
|
-
ძვირფასო მომხმარებელო თქვენ ბრძანდებით საიტზე როგორც სტუმარი
კომენტარების დასატოვებლად გთხოვთ გაიაროთ [ რეგისტრაცია ] ან [ ავტორიზაცია ]
|
სულ ონლაინში: 1 სტუმარი: 1 მომხმარებელი: 0
|
|
|
